"Химиялық технология және экология" кафедрасында  8D05301-Химия ББ докторанттарының тағылымдамадан өту есебі тыңдалды.​
2023 жылдың 20 наурыз -20 сәуір аралығында 8D05301-Химия ББ докторанттары: Гайсина Б.С., Арипжанова З.Ж., Кобегенова А.И. Финляндия Республикасы, Хельсинки университетіндегі химия факультетінде тағылымдамадан өтті. Тағылымдама барысында докторанттар ​ ​ ​ профессор Асеев В.О. дәрістерін тыңдады. Университеттің ғылыми кітапханасы және химиялық зертханалармен танысты.

Докторант Гайсина Б.С. өзінің докторлық диссертация тақырыбы бойынша интерполиэлектролит комплекстерге(хитозан- Na КМЦ, Хитозан-Na альгинаты, хитозан-геллан) негізделген криоқұрылымдардың термиялық қасиеттерін DSC Q-2000 диференциальды сканерлеуші калориметр құрылғысында анықтап, зерттеу нәтижесінде диссертацияға қажетті мәліметтер алды.

Докторант Арипжанова З.Ж. табиғи және синтетикалық полимерлер, атап айтқанда геллан және акриламид негізіндегі криогельдер мен гидрогельдердің Cu2+ және Sr2+ иондарының жаңа тиімді бірнеше рет регенерацияланған сорбентін синтездеді. Ғылыми тағылымдама барысында синтезделген гидрогельдер мен криогельдердің физика-химиялық қасиеттерін, атап айтқанда ИК-спектроскопия және термоскопиясы зерттелді.

Докторант Кобегенова А.И. интерполиэлектролитті комплекстер негізінде беткейлердегі топырақты бекіту технологиясын әзірлеу докторлық диссертация тақырыбының жоспарына сәйкес хитозан- Na КМЦ, Хитозан-Na альгинаты, хитозан-геллан комплекстері мен топырақ байланысын ​ DSC Q-2000 диференциальды сканерлеуші калориметр құрылғысында анықтап, зерттеу нәтижесінде диссертацияға қажетті мәліметтер алынды.