Білім беру бағдарламалары

Технологиялық жабдықтар кафедрасы
Білім беру бағдарламалары
Технологиялық машиналар және жабдықтар

6B07105 - Технологиялық машиналар және жабдықтар

B064 Механика және металл өңдеу білім беру бағдарламаларының тобы 6B07 Инженерлік, өңдеу және құрылыс салалары білім беру саласына кіреді.

Кіріспе

2022 жыл - 13 орын 2023 жыл - 17 орын 6В07105 Технологиялық машиналар мен жабдықтарбілім беру бағдарламасы Семей қаласының Шәкәрім атындағы университетінің Инженерлік-технологиялық факультетінің «Технологиялық жабдықтар және машинажасау» кафедрасымен әзірленген. Қазіргі уақытта «Технологиялық жабдықтар және машинажасау» кафедрасында «Технологиялық машиналар мен жабдықтар»білім беру бағдарламасы бойынша оқытудың үш деңгейі: бакалавриат, магистратура және PhD докторантура бойынша кадрлар даярлау жүзеге асырылуда. Ғылыми-педагогикалық әлеуетті және материалдық-техникалық базаны есепке ала отырып, «Технологиялық жабдықтар және машинажасау» кафедрасы республиканың тамақ және қайта өңдеу өнеркәсібі салалары үшін мамандарды даярлау бойынша базалық кафедралардың бірі болып табылады. Білім беру бағдарламасы бітірушінің мақсатын, кәсіптік қызмет түрлерін, объектілерін, пәндері мен түрлерін қамтитын біліктілік сипаттамасын, біліктілік және лауазымдар тізбесін, оқу нәтижелерін және бітірушінің құзыретін көрсете отырып, ББ мазмұнын, модульдер бөлінісінде игерілген кредиттердің көлемін қамтиды. Білім беру бағдарламасы жоғары оқу орны жағдайында ерекше білім беру қажеттіліктері бар студенттерді оқытуды, сондай-ақ оның әлеуметтенуін және қоғамға кірігуін көздейді.

Даярлау бойынша білім беру үрдісінің аяқталуының негізгі критерийі бакалавр білім алушылардың теориялық оқытудың кемінде 205 кредитін, сондай-ақ практиканың кемінде 27 кредитін игеруі, 8 кредит қорытынды аттестаттау болып табылады. Барлығы 240 кредит.

4 жыл.

Мақсаты

Тез өзгеретін әлеуметтік-экономикалық жағдайларға тез бейімделуге қабілетті тамақ және ет-сүт өнеркәсібінің технологиялық машиналары мен жабдықтары саласында жұмыс істеу үшін бәсекеге қабілетті мамандар даярлау, сондай-ақ тұлғаның жан-жақты кәсіби және интелектуалдық дамуына қажеттіліктерін қанағаттандыру

Түлектің біліктілік сипаттамасы

Берілетін дәреже / біліктілік

6В07105 Технологиялық машиналар мен жабдықтар білім беру бағдарламасы бойынша техника және технологиялар бакалавры
Кәсіп атауы / маманның қызметінің тізімі

конструктор; технолог; технологиялық машиналар мен жабдықтардың механигі.
СБШ (салалық біліктілік шеңбері) бойынша біліктілік деңгейі
6
Кәсіби қызмет саласы
- тамақ өнеркәсібі ұйымдары, кәсіпорындары; - мемлекеттік басқару органдары; - жобалау-конструкторлық және ғылыми-зерттеу ұйымдары; - әртүрлі меншік нысанындағы фирмалар
Кәсіби қызмет нысаны
технологиялық машиналар мен жабдықтар; машина жетектерінің жүйесі; конструкциялық және пайдалану материалдары; технологиялық машиналарды пайдалануға, техникалық қызмет көрсетуге және жөндеуге арналған жабдық; машиналардың жұмыс процестерін автоматтандыруға арналған жабдықтар; машиналарды жобалау үшін жабдық
Кәсіби қызмет түрлері
Өндірістік-технологиялық қызмет: жұмыс орындарын ұйымдастыру, оларды техникалық жабдықтау, технологиялық жабдықтарды орналастыру және технологиялық жабдықтарға қызмет көрсету. Сервистік-пайдалану қызметі: технологиялық машиналар мен жабдықтарды баптау және қызмет көрсету; технологиялық машиналар мен жабдықтардың техникалық жай-күйі мен қалдық ресурсын тексеру, профилактикалық тексеру және жоспарлы-алдын ала жөндеу жүйесін ұйымдастыру. Ұйымдастыру-басқару қызметі: техникалық құжаттаманы (жұмыс кестелерін, нұсқаулықтарды, жоспарларды, сметаларды, материалдарға, жабдықтарға және т. б. өтінімдер), сондай-ақ бекітілген нысандар бойынша белгіленген есептілікті жасау; орындаушылардың шағын ұжымдарының жұмысын ұйымдастыру. Монтаждау-реттеу қызметі: технологиялық машиналар мен жабдықтарды баптау, икемдеу, реттеу және тәжірибелі тексеру; технологиялық машиналар мен жабдықтарды монтаждау, баптау, сынау және пайдалану. Есептік-жобалау қызметі: жобалауды автоматтандырудың стандартты құралдарын пайдалана отырып, техникалық тапсырмаға сәйкес бөлшектер мен тораптарды есептеу және жобалау; жобалау және жұмыс құжаттамасын әзірлеу, аяқталған жобалау-конструкторлық жұмыстарды ресімдеу. Эксперименттік-зерттеу қызметі: зерттеу тақырыбы бойынша ғылыми-техникалық ақпаратты, отандық және шетелдік тәжірибені зерделеу; орындалған тапсырма бойынша есеп жасау, зерттеулер мен әзірлемелердің нәтижелерін енгізуге қатысу.

Құзыреттіліктерді дамытуға арналған оқыту модульдерінің картасы

Әлеуметтік-мәдени, экологиялық, құқықтық және экономикалық білім