Семей қаласының Шәкәрім атындағы университетінде профессор-оқытушылар құрамы арасында дәстүрлі түрде өтетін «Спартакиада – 2025» қысқы спартакиадасы өтті.

Спартакиаданың мақсаты - салауатты өмір салтын насихаттау, профессор-оқытушылар құрамының арасындағы достық пен ынтымақтастықты нығайту.

Іс-шара 20 қаңтарда басталып, бір аптаға созылған еді. Спартакиадада 10 командадан құралған жүзден астам қатысушылар спорттың бірнеше түрінен, оның ішінде тоғызқұмалақ, футбол, садақ ату, үстел теннисі, арқан тартысу және басқа да, барлығы 10 спорт түрінен бақ сынаған спартакиада тартысты өткені анық.

Тамақ инженериясы зерттеу мектебінің командасы жоғары нәтижелер көрсетті. Атап айтқанда, тоғызқұмалақтан Шынарбек Айбек Бақытжанұлы 1-ші орынды иеленді. Футбол командасы 2-ші орынды, ал арқан тартысу командасы 3-ші орынды жеңіп алды.

Университет басшылығы мен әріптестері жеңімпаздарды құттықтап, оларға спорттық жетістіктер тіледі.